හෙළයේ මහා ගත්කරු මාර්ටින් වික්‍රමසිංහගේ අනෙක් කිසිදු කෙටි කෙටිකතා සංග්‍රහයක පල නොවුණු ප්‍රබන්ධ දහහතක් මෙම කෙටි කතා පොතට ඇතුළත් වෙයි. එකී නිර්මාණ වික්‍රම වික්‍රමසිංහ මහතා විසින් 1936-1950 අතර කාලය තුළ රචනා කරන ලද්දේ වෙයි.

මෙහි සංගෘහිත කෙටිකතා අතරින් මුඛ්‍ය නිර්මාණය සේ ඉස්මතුකර දැක්වෙන 'රන් පිළිමය' ගැන සංස්කාරකවරයා කරන විවරණයෙහි මෙසේ සඳහන්ය.

" රන් පිළිමය අතිශයින්ම විදග්ධ රීතියකින් නිමවන ලද සියුම් කෙටිකතා නිර්මාණයකි. ඒ වනාහි, මිනිස් සිතේ සැඟවුණු තැන් ද මානුෂික චර්යාවන් ද තියුණු ලෙස හෙළි කෙරෙන අපූරු රචනයකි."