බාලොපදෙශය මාර්ටින් වික්‍රමසිංහ විසින්‌ රචනා කරන ලද පළමු වන පොත ලෙස ප්‍රකට ය. මෙම කුඩා කවි‌ පොත ලිවීමේ පසුබිම බෙහෙවින්‌ සින්‌ ගන්නා සුළු ය. කුඩා වියේදී පියා මිය යාමෙන්‌ පසුව දඟකාරයෙකු ලෙස ගමේ හැසිරැණු වික්‍රමසිංහ සිය මව විසින්‌ උගත්‌ ඥතියෙකු වෙත යොමු කරන ලදුව ඔහු වෙතින්‌ ශාස්ත්‍ර ඥානය හා කවි බැඳුම්‌ පිළිබඳ රචනා ක්‍රම හදාරා දරුවෙකු හික්මවන උපදෙස්‌ සහිත බාලොපදෙශය කවි‌ පොත රචනා කර වීය.

ගැමිදරුවන්‌ සමඟ රංචු ගැසී දඟකම්‌ කළ දරුවකු ලවා බාලයන්‌ යහමඟ යවන පොතක්‌ රචනා කිරීම අනගි අධ්‍යාපන මඟක්‌ වෙයි. නිවහල්‌ අදින ගත්කරැවෙකු ලෙස පුළුල්‌ මඟක දුරගමනක්‌ යා හැකි ලෙස මාර්ටින්‌ වික්‍රමසිංහයන්ගේ බාලවිය හැඩ ගැසීමට ඔහු 13 හැවිරිදි වියේ දී ලියූ මේ කුඩා කවි පොත ඉවහල්‌ වී යැයි ඉඳුරාම කිය හැකිය.