SEEDS OF AMERICA 
CHAINS | Laurie Halse Anderson
යදම් | පරිවර්තනය ගුණදාස යාපා 

මම ඇය දෙසට පියවර දෙකක් ගමන් කළෙමි. 
"මැඩම්, රූත්ව විකුණුවා ද ?"
"ඔය වගේ ගරුසරු නැති විදියට ඔයා මට කතා කරන්න එපා"
ඇගේ කටහඬ මඳක් වෙව්ලී ය.  
මම තවත් පියවරක් ඉදිරියට තැබුවෙමි. 
"උත්තර දීපන්. කාලකණ්ණි ජරා ගෑනි. උඹ මගේ සොහොයුරිය විකුණුවා ද? " මැඩම් පියවරක් ආපස්සට තැබුවා ය. ඇගේ ලිපිය සෝපානයේ පාමුලට වැටුණි.
"මා ළඟට එන්න එපා. මුළුතැන්ගෙට පලයන්"
"රූත්ගේ වයස අවුරුදු පහයි. ඇය පුංචි බබෙක්. මට හොරෙන් ඇය විකුණුවා නේද ?"
ඇගේ දෑත් වෙවුලන බව පෙනිණි. 
කවුළුව අතරින් ගෙතුළට විහිදුණු හිරුඑළිය රෝස පැහැති විය. මම තවත් පියවරක් ඉදිරියට තැබූ විට, අයව අතින් ඇල්ලීමට තරම් ළං වීමි. 
"ඉසබෙල් ! ඉසබෙල් " බෙකී යළිත් කෑගැසුවා ය.
 

සම්මානනීය ඇමෙරිකානු ලේඛිකා ලෝරි හැල්ස් ඇන්ඩර්සන් විසින් රචිත ‘Seeds of America’ නම් කතා ත්‍රිත්වයේ පළමු කෘතිය වන‘Chains’, සිංහල පාඨකයින් සදහා ප්‍රවීණ ලේඛක ගුණදාස යාපා මහතා විසින් ‘යදම්’ නමින් පරිවර්තනය කර Ewings Smart ප්‍රකාශනයක් ලෙස එළිදක්වනු ලබයි.

‘යදම්’, විප්ලවීය යුධ සමයේ සුදු ජාතිකයන්ගේ පීඩනයත් ආධිපත්‍යත් හමුවේ තම ස්වාධීනත්වයත් තම සොයුරියගේ ආරක්ෂාවත් උදෙසා නොබියව නැගී සිටි කළු ජාතික වහල් දැරියක වටා  ගෙතුණු විශිෂ්ට කෘතියකි.