A novel by the author of තී හා තා 
ලංකාවේ ජනප්‍රියතම ගීතයේ පද රචනය කළේ මම. දැන් ඔබ සන්තානයේ දහසකුත් එකක් ප්‍රශ්නාර්ථයන් පැන නැගුණු වග මට දැනෙනවා. එකී සෑම පැනයකටම  පිළිතුරු මෙහි අන්තර්ගතයි. ඒත් ඉහත කී ප්‍රශ්න සඳහා පිළිතුරු ගවේෂණය කරනට තකහනියේ පිටු පෙරළන්න හදිසි වෙන්න එපා.

කතාවේ සුලමුල දැනගන්න නම් මේ පොතේ අකුරක් නෑරම කියවන්න් සිද්ධ වෙනවා. අපේ ජීවන ගීතයේ රහස් තියෙන්නෙ මේ පිටු අතර හිරවී. පරිච්ඡේද අතර නිම කරගත නොහී වල්මත්වී. ඡේදවල මුල්ලට වී අදෘශ්‍යමානව. වාක්‍ය රටා අතර උඩුයටිකුරු වී. වචන අතර හිස් අවකාශයේ තනිවී.

මගේ ගේය පද රචනා කලාව එක ගීයකින් ම නිම වුණා. ඒ ගීතයෙන් අපි රටම හෙලෙව්වා. ලත් තැනම ලොප් වුණු මගේ කලා දිවිය අපේ ජීවිත උස්සා පොළොවේ ගැසුවා. ජීවිතයේ නැවත කිසි දිනෙක ගී පද රචනා කිරීමට මගේ බලාපොරොත්තුවක් නෑ. ඒ වෙනුවට මේ පොතේ අපේ කතාව ලියා තියෙනවා.

සී+ සුරත් ද මැල්ගේ දෙවන නවකතාවයි. ඔහුගේ ප්‍රථම නවකතාව 'තී හා තා' පාඨක, විචාරක සහ සාහිත්‍ය සම්මාන දිනා ගැනීමෙහිලා සමර්ථ වූ අතිශය ජනප්‍රිය සහ ආන්දෝලනාත්මක කෘතියකි.