ළමා පරපුර සඳහා සාහිත්‍යයක් නිර්මාණය කිරිමේ දී අනුගමනය කළ යුතු  ක්‍රියාමාර්ග පිළිබඳව අනුශාසනා කළ වියතුන් අතර මාර්ටින් වික්‍රමසිංහ මහතා ද කෙනෙකි.  ළමයින් උදෙසා ඔහු විසින් ලියන ලද පොත් රාශියක් ද වෙයි. ළමා කතා රචනා කිරීමේ දී ජන සාහිත්‍යයට බෙහෙවින් ළංවිය යුතු බව ඔහු තරයේම ඇදහීය. විද්‍යා විෂයයන් පවා විනෝද කතා ස්වරූපයෙන්  ඉදිරිපත් කළ හැකි බව වික්‍රමසිංහ මහතා පෙන්වා දුන්නේය. ඔහුගේ විද්‍යා විනෝද කථා පොත් පෙළ එයට නිදසුනකි.